" खुद शिवरायांचा प्रशस्तीपात्र"
"किल्ले अहिवंत "
" साल २०१३ अखेरच्या टप्पात ..
नविन वर्षाच्या स्वागताच्या
तयारीत सर्वच गुरफटलेले ,
मस्त थंडीचं मायाजाल ,
ठेवणीतले गरम कपडे ,
रुबाबात बाहेर आलेले ,
सर्व-सामान्यांबराेबर बळीराजालाही ,
सुखावणारा हा काळ..
तसा ...तमाम निसर्ग वेड्यांना ..भटक्यानां ,
निसर्गवेड्यां छायचित्रकारांना,अनं ट्रेकर्स जातींला
वेड लावणारा असा सर्वांगसुंदर काळ...!
यावेळची भटकंती " किल्ले अहिवंतगडाकडे ......,
******************************
" शिवरायांच्या (शिवशाहीच्या )अखेरच्या पर्वात म्हणजे सन १६८० मध्ये, त्यांनी सावत्र भाऊ
तंजावरचा व्यंकाेजी ,यास पाठवलेल्या पत्रात ते लिहीतात " राजश्री माेराेपंत त्या प्रांती पाठविले हाेते .
त्यांनी अहिवंत म्हणजे जैसा पन्हाळा ,त्याचे बराेबरी समतुल्य आहे, दुसरा नाहवागड,
बागलाणच्या दरम्यान आहे , ताे कठीण ताेही घेतला. हे दाेन किल्ले नामाेषित पुरातन जागे कबाज केले."
शिवशाहीत नाशिक परिसरात ज्या किल्यांना शिवस्पर्श झाला वा ते शिवरायांना भावले .
त्यातलाचं हा एक " अहिवंतगड ".लक्षवेधी अश्या सातमाळा रांगेतला ..
किल्ले अहिवंतकडे जाण्यासाठी नाशिकहून प्रथम वणी हे गांव गाठावे ..गांव आेलांडल्यानंतर चाैफुली लागते.उजवीकडेचा रस्ता जाताे नांदुरी/कळवण कडे तर डावीकडचा गुजरात/सापुतारा कडे.या दाेनही मार्गांनी
अहिवंतकडे जाता येते.सापुतारा रस्त्याने जात अचला-पिंपरी गांवाकडे जाणा-या फाट्याकडुन थेट बिलवाडीत पाेहचायचं किंवा अहिवंतवाडीत,येथुन अहिवंतवर चढाई करायची(जे ट्रेकर्स अचला क़िल्ला करुन अहिवंतकडे जाणार त्यांच्या साठी हा मार्ग साेईचा) किंवा वणी कडुन नांदुरीकडे जात लहानसा घाट संपण्याच्या आधीचं डावीकडे दरेगांवचा फाटा लागताे . हाकेच्या अंतरावरच्या गांवात गाड़ी लावुन ,गावाच्या पश्चिमबाजुने चढाई करायची..तश्या अजुनही ब-याचं उपवाटा चढाईसाठी उपलब्ध आहेत.आपण मात्र राजमार्गाने निघायचं ..
कुठल्याही बाजुने चढाई केली तरी ,तुमच्या स्वागताला कुठे महादरवाजा नाही (अगदी पडका सुध्दा नाही) ना कुठे तट-बुरुजाचे अवशेष..
" दरेगांवाकडुन आपण पुर्वबाजुने किल्यावर येताे..पठार तस एैसपैस ,समाेर उजवीकडे बालेकिल्ला वजा टेकडी दिसते..त्या टेकडीला प्रदक्षिणा मारणे म्हणजेचं संपुर्ण किल्याची भटकंती केल्यासारखीच.पुढे उध्वस्त राजवाड्याचे अवशेष दिसतात, थाेडं उजवीकडे पाण्याचं टाकं (जान/फेब्रु पर्यंत पिण्यायाेग्य पाणी असत.) ,
आणि छाेट्याशा चाैथ-यावर हनुमंताची /भवानीमातेची मुर्ती आहे..अनं बाजुलाचं एक कुटी आहे ,त्यात म्हातारा साधु रहाताे.पुढे सरळ गेल्यास पश्चिमेकडे उतरुन डावीकडे एक गुहा लागते.मुक्कामासाठी झक्कास.दुरवर किल्ला अचला दिसताे.तसा बिलवाडी/अहिवंतवाडीचा परीसर दिसताे . परत माघारी येत गडभटकंतीला
सुरुवात करायची.उत्तरेकडे निघायचं .रस्यात छतविरहीत मंदिर लागत.चाैथ-यावर सप्तशृंगी देवीशी साधर्म्य असल्यासारखी मुर्ती ,इतरत्र अन्य शिल्प (खंडाेबा/म्हाळसासाईचे शिल्प असल्यासारखे)विखुरलेले दिसतात .
उत्तर टाेकापर्यंत जातांना दगडी चाैथरा व तलाव लागताे .या किल्याच्या ईशान्य डाेंगरधारेवर भग्न दरवाज परीसरातील उध्वस्त तटबंदी अनं प्रवेशद्वार बघता त्या काळी हाच राजमार्ग असावा .हि डाेंगरधार बरीच पुढे पर्यंत गेलीय .त्यावर जागाेजागी टाके,बांधकामाचे अवशेष दिसतात . दुरवर शिडका(माेहंदरी) किल्ला व त्याही पलिकडले कळवण/बागलाण पुर्वचे अनेक गड-किल्ले /डाेंगरमाथे नजरेच्या टप्प्यात येतात..आल्या वाटेने परतीला निघायचं .पण बालेकिल्ला वजा टेकडीला उजवीकडे ठेवत.पुर्वला सप्तशृंगी गड फारचं माेहक दिसताे.
हा किल्ला विस्ताराने तसा एैसपैस मात्र अवशेष त्यामानाने फारचं अल्प .तरी ह्या विस्तीर्ण अहिवंतची भटकंती विलक्षण आनंददायी ठरते..
~~~~~~~~~~~~~~~~~~~~~~~~~~~~~~
क़िल्ला अहिवंतकडे ...
रांग ::::: सातमाळा
उंची :::: ४०१२ फुट
मार्ग :::: १ -नाशिक >वणी >दरेगांव
२- नाशिक > वणी > अचला/पिंपरी > बिलवाडी/अहिवंतवाडी
पायथ्याचं गांव ::पुर्व बाजुला दरेगांवा तर पश्चीम बाजुला बिलवाडी / अहिवंतवाडी
विस्तार :::: माेठा
अंतर नाशिकपासुन ::::
चढाई श्रेणी :::: साेपी
ट्रेकसाठी वेळ ::: एकुण ५ तास
गड़ावर पिण्यायाेग्य पाणी :: आहे
रहाण्याची साेय ::: पश्चिमे कडील गुहेत १५/२० व्यक्ती राहू शकतील ..
बेस्ट वेळ ::: सप्टेंबर ते मार्च
No comments:
Post a Comment